Бүгін "Таза өлке" апталығының соңғы күні. Дүйсенбіден "Киелі мекен" эконауқаны басталады.
Аясында шаһардағы мәдени мұралар мен ескерткіштердің аумағы тазаланып, абаттандырылмақ.
"Таза өлке": Қонаевта тұрғын үйлердің аулалары тазаланды
Апта Қонаевтағы тұрғын үйлердің аулаларын тазартумен аяқталды. Сенбілікке 80-нен астам адам жұмылдырылып, 160 қап қоқыс жиналды.
Жалпы "Таза өлке" апталығында бірқатар жұмыстар атқарылды. Алдымен 60-тан астам адам аллеяны қоқыстан тазартты, келесі күндері науқанға Алматы облысының әкімі бастаған мемлекеттік қызметшілер, 200 студент, 800-ден астам бизнес субъектілері, мұғалімдер мен оқушылар, ардагерлер қатысты.
Қонаевқа қарасты ауылдық округтермен қоса есептегенде бұл жұмысқа 4500-ден аса адам жұмылдырылды.
Сондай-ақ оқыңыз: Қонаевта 800-ден астам бизнес нысандары эконауқанға қатысты