Мемлекет басшысының тапсырмасын орындау мақсатында, ҚАЖ қызметкерлері "Таза Қазақстан" экологиялық акциясы аясында сенбілік өткізді.
Алматы қаласы, Алматы және Жетісу облыстары бойынша ҚАЖ Департаменті бастығы полиция генерал-майоры Қайрат Дәлбеков бастаған бұл іс-шараны, қарасты 10 мекеме және 29 пробация бөлімдері де өткізді.
Тазалық іс-шарасы барысында аймақты тазалау және көгалдандыру жұмыстары атқарылып, ҚАЖ қызметкердері ағаштарды әктеп, шөптерді орып шықты. Сонымен қатар, аулада абаттандыру жұмыстары да жасалды.
"Қоршаған ортаның тазалығына жауапкершілікпен қарау әр азаматтың басты міндеті болып табылады. Бұл сенбіліктің басты мақсаты - айналаны тазалап, ҚАЖ қызметкерлерінің еңбекқорлығын тәрбиелеу және қаламыздың тазалығы мен өркендеуіне өз үлесімізді қосу",- деп атап өтті Департамент басшысы Қайрат Дәлбеков.