"Білімнің жұлдызы – 2025" жобасына қатысып, шәкіртақы ұтып ал!

Dauletten.kz сайты Білімді жастарды қолдауға арналған "Білімнің жұлдызы – 2025" жобасының басталғанын хабарлайды.

Қазақстанда жас дарындарды қолдау мақсатында ұйымдастырылатын жыл сайынғы "Білімнің жұлдызы" жобасы биыл да өз жалғасын табады.

2019 жылы басталған "Білімнің жұлдызы" қайырымдылық жобасы талантты және білімді жастарды қолдауға бағытталған. Алғашқы жылдары меценаттар мен қайырымды жандардың қаржылай көмегімен 50-ге жуық мектеп оқушысына 100 мың теңгеден шәкіртақы берілген. Ал биылғы конкурсқа жоғары оқу орындары мен колледж студенттері қатыса алады.

Бұл жоба Қазақстан Республикасының жас азаматтарына арналған және оған қатысу үшін бірнеше шарттар қойылады:

• Қазақстан Республикасының азаматы болу;
• Жас шектеуі: 16-21 (қоса алғанда);
• ЖОО бакалавр немесе колледждің тек ақылы бөлімінде оқу;
• GPA орташа балы 2.5 жоғары болу;
• Соңғы 3 жылда "Білімнің жұлдызы" шәкіртақысын иеленбеу.

Байқау екі кезеңнен тұрады:

• өтінімдерді қабылдау
• бірыңғай тестілеу

Жобаға қатысу үшін бірнеше құжаттарды ұсыну қажет:

• Жеке куәлік;
• Жетістіктері (Халықаралық/Республикалық/облыстық);
• Оқу орнынан мөр қойылған анықтама (сол оқу орнында ақылы бөлімде оқиды деген);
• Оқу үлгерімі жайлы құжат (транскрипт);
• ⁠⁠Отбасы жағдайы туралы анықтама (толық емес/көп балалы/мүмкіндігі шектеулі/ аз қамтылған, тсс).

Барлық құжаттар PDF форматында тапсырылады. Жобаға қатысу үшін www.dauletten.kz сайтына өтінім қалдыру қажет.

Өтінімдер 25 ақпан сағат 09:00-ден бастап – 9 наурыз сағат 23:59-ға дейін www.dauletten.kz сайтында қабылданады.