Қайрат Дәлбеков Денсаулық сақтау басқармасымен проблемалық мәселелерді талқылады

Алматы қаласы, Алматы және Жетісу облыстары бойынша ҚАЖ Департамент бастығының төрағалығымен, Алматы облысы Денсаулық сақтау басқармасы басшылығының, көпсалалалы Қонаев қалалық аурухана өкілдерінің, қоғамдық бақылау комиссия басшыларының, сондай-ақ, №12 мекеме басшылығымен медициналық қызметкері қатысуымен дөңгелек үстел өткізілді.

Дөңгелек үстел барысында ведомстволық бағынысты мекемелерде жазасын өтеп жатқан сотталғандарға медициналық көмек көрсету кезінде туындаған проблемалық мәселелер талқыланды. Департамент басшысы өзінің жеке қабылдауындағы сотталғандардың медицина және денсаулыққа қатысты өзекті өтініштері мен шағымдарын жеткізді.

Кеңес қорытындысы бойынша, ҚАЖД басшылығы Денсаулық сақтау басқармасымен бірлесіп, проблемалық мәселелер бойынша шаралар қабылдады. Сонымен қатар, медициналық қамтамасыз ету сапасын жақсарту үшін және қысқа мерзімде бар кемшіліктерді жою мақсатында шешімдер кешені әзірленді.

Естеріңізге сала кетейік, 2023 жылдың қаңтар айынан бастап Мемлекет басшысының Жарлығымен мекемелердегі сотталғандарды медициналық қамтамасыз ету функциялары Денсаулық сақтау министрлігіне берілді.