Жолданымға қойылатын талаптар

Жеке және заңды тұлғалардың жолданымдарын мемлекеттік орган Қазақстан Республикасының "Әкімшілік рәсімдік процесстік Кодексі" талаптарының шеңберінде қарастырады.

Жеке және заңды тұлғалардың жолданымдарына қойылатын талаптар аталған Кодекстің 63-бабында айқындалған.

Жеке және заңды тұлғалардың жолданымдарына келесі талаптар қойылады:

Ауызша нысанда берілген жолданымды әкімшілік органның жолданымды қабылдаған лауазымды тұлға немесе жұмыскері жекелеген хаттамаға енгізеді.

Жазбаша (қағаз және (немесе) электрондық) нысанда берілген жолданымда, хаттамада:

• жеке тұлғаның тегі, аты, әкесінің аты (егер ол жеке басты куәландыратын құжатта көрсетілсе), жеке сәйкестендіру нөмірі (ол болған кезде), пошталық мекенжайы не заңды тұлғаның атауы, пошталық мекенжайы, бизнес-сәйкестендіру нөмірі (ол болған кезде);
• жолданым берілетін әкімшілік органның, лауазымды адамның атауы;
• жолданымның мәні;
• жолданымның берілген күні;
• арыз иесінің немесе оның өкілінің қолы;
• Қазақстан Республикасының заңнамасында көзделген өзге де мәліметтер көрсетіледі.

Жолданым міндетті түрде қабылдануға, тіркелуге, есепке алынуға және қаралуға жатады. Жолданымды қабылдаудан бас тартуға тыйым салынады. Егер жолданым жұмыс істемейтін күні келіп түскен болса, онда ол жақын уақыттағы кейінгі жұмыс күнімен тіркеледі.

Егерде жеке және заңды тұлғалардың жолданымы Кодекстің 63-бабының талаптарына сәйкес келмесе, әкімшілік органның лауазымды тұлға жолданымиесіне жолданымның қандай талаптарға сәйкес келмейтінін көрсетіп, оны талаптарға сәйкес келтіру үшін ақылға қонымды мерзімді белгілейді.

Берілген мерзімде жолданым иесі ҚР заңнамасының талаптарына сәйкес келтірмесе, лауазымды тұлға жолданымды кері қайтарады. Жолданымды кері қайтару жолданым иесінің қайта жүгінуіне кедергі келтірмейді.

Алматы облысының Санитарлық-эпидемиологиялық Департамент басшының орынбасары, Әдеп жөніндегі уәкіл​​​​​​​ Г. Аманова