Алматы облысында 45 мыңнан астам бейнебақылау камерасы орнатылған

Бұл туралы Парламент депутаттарының өңір сақшыларымен кездесуі барысында облыстық полиция департаментінің басшысы Бауыржан Әленов мәлімдеді.

Алматы облысында қоғамдық және жол қауіпсіздігін қамтамасыз ету үшін бейнебақылау камераларын белсенді орнату жалғасуда. Қазіргі уақытта аула мен саябақтар, вокзал және сауда орындары сияқты қоғамдық орындарда 45 260 сыртқы бейнебақылау камералары орнатылған.

"Облыс әкімдігінің цифрландыру басқармасы қоғамдық қауіпсіздік үшін 9 100 бейнебақылау камерасын және жол қауіпсіздігі үшін 325 аппараттық-бағдарламалық кешенді камераларды орнатпақ.

Ал өңірдегі білім нысандарында 18 305 бейнебақылау камерасы орнатылды, оның 4 755-і кезекші бөлімдердің мониторларына шығарылды. Шалғай аудандарда қалған камераларды қосу бойынша жұмыстар жүргізіліп жатыр", – дейді Бауыржан Әленов.

Айта кету керек, азаматтардың қауіпсіздігі AMANAT партиясы үшін ең басты міндеттердің бірі. Партияның "Халықпен бірге!" сайлауалды бағдарламасында көрсетілгендей алдағы уақытта 31 учаскелік полиция пунктін салу, облыс орталығында және аудандарда 1044 бейнебақылау камерасын орнату, азаматтық қорғау органдары үшін қажетті техниканы, жабдықтар мен жабдықтарды сатып алу көзделген.

Бұл шаралар 2027 жылға қарай өңірдегі қылмыс деңгейін төмендетуге мүмкіндік береді, осылайша құқық қорғау органдарының жұмысы анағұрлым сапалы болады.