Алматы облысының колонияларында модульдік ғимараттар орнату мәселесі қаралды

Алматы және Жетісу облыстары бойынша ҚАЖ Департаментінің ұйымдастыруымен, жаңа жұмыс орындарын ашу мақсатында жұмыс кездесуі өтті.

Жұмыс кездесуіне ҚАЖ Департаментінің, Алматы облысы және Алатау қалалық әкімдігінің, мамандандырылған прокуратура өкілдері және №14,12,57 мекеме басшылары, сондай-ақ кіші және орта бизнес өкілдері қатысты.

Кездесу барысында Алматы облысының колонияларының өндірістік аймақтарындағы бос жерлерге құрастырмалы модульдік өндіріс орындарын орнату мәселесі талқыланды.

Кәсіпкерлерге жиыннан кейін №14 мекемедегі өндірістер мен бос аймақтар көрсетіліп, оларға Алматы облысының ҚАЖ мекемелерінде шығарылатын өнімдердің көрмесі ұйымдастырылды.

"Бұл жоба мекемелерде жаңа өндірістердің ашылуына және жұмыс орындарының көбеюіне ықпал ететіні сөзсіз. Іс-шара ҚАЖ мекемелеріндегі жағдайды жақсартудың 2023-2025 жылдарға арналған жол картасын жүзеге асыру аясында өткізілуде",- деп атап өтті ҚАЖД бастығының м.а. Бақытжан Шәріпбеков.